2 oğlan tanıdım.

biri sevilmədiyim halda mənə sevməyi öyrətdi
biri sevilə sevilə sevməyi öyrətdi

2 oğlan tanıdım.

biri mənə onun üçün yuxusuz qalmağı
biri istəmədiyim vaxt belə yataraq onun tərəfindən nazımın çəkilməyini öyrətdi

2 oğlan tanıdım.

biri onunla görüşmək üçün onun iş yerinə kimi getməyi
biri bütün gününü mənimlə görüşmək üçün sərf edərək mənim onun üçün nə qədər dəyərli olduğumu öyrətdi

2 oğlan tanıdım.

biri ancaq onunla olan keçmişimə baxmağı
biri isə onunla keçirəcəyimiz gələcəyə baxmağı öyrətdi

2 oğlan tanıdım.

biri mənə ondan başqa heçkimi sevməməyi
biri isə dünyada seviləcək çox şeyin olduğunu öyrətdi

2 oğlan tanıdım.

biri mənnən qəlbimi aldı
biri mənə qəlbini verdi

2 oğlan tanıdım.

biri həqiqət sadığım şeylərin əslində xəyal olduğunu
biri isə xəyalını belə qura bilməyəcəyim şeylərin həqiqət olduğunu mənə öyrətdi

2 oğlan tanıdım.

biri nazını çəkməyimi onu axtarmağımı
biri nazımın çəkilməyini hər an axtarılmağımı öyrətdi

2 oğlan tanıdım.

biri sevgilərin birtərəfli olmağını
biri sevginin və hörmətin qarşılıqlı olmağını öyrətdi

2 oğlan tanıdım.

biri eqoist olub özünü sevdirdi
biri məni sevərək özünü sevdirdi

2 oğlan tanıdım.

biri sevə sevə ağlamağı
biri sevilə sevilə gülməyi öyrətdi

2 oğlan tanıdım.

biri görünüşün sevmək üçün önəmli olmadığını
biri isə həm görünüşü həm sevgisi yaxşı olnanın da məni sevə biləcəyini öyrətdi

2 oğlan tanıdım.

biri içimdəki sevgini öldürməyi
biri içimdə yeni bir sevgi yaratmağı öyrətdi

2 oğlan tanıdım.

biri darıxdığımda sadəcə sms yazmağı
biri darıxdığım anda 1 zəngin bəs etməsini və o an yanımda olacağını öyrətdi

2 oğlan tanıdım.

biri dostlarımdan ayırmağı
biri dostlarımla onun da dost olacaq qədər məni sevdiyini öyrətdi

2 oğlan tanıdım.

biri onun üçün sevgi dolu amma nakam mahnılar yazıb oxumağı
biri bütün xoşbəxt sonluqlu mahnıları ona həsr etməyi öyrətdi

2 oğlan tanıdım.

biri heçvaxt sənsiz yaşaya bilmərəm deməyi
biri birinciyə SƏN BİTDİN ARTIQ MƏNİM ÜÇÜN deyə bilməyi oyretdi

"Yaxşı" demək adətdəndir

"Yaxşı" demək adətdəndir!
‘Yaxşıyam' dedim…

İzah edilməsi çətin bir duyğu içimdəki.
Hər hərf
Hər söz
Və hər cümlə olduğundan ya çox sadə ya da daha mürəkkəb bir hala gətirir dilimə gətirə bilmədiklərimi.

Bir gün danışmağı unutmaq, yalnız susmaq istəyirəm.
Bir gün susmağı unutmaq, necə gəldi danışmaq istəyirəm.
‘Kimə nəyə danışırsan danış' deyirəm…
Yetər ki, susma!

Heç bir söz çatmır məni 'mənə' izah etməmə…
Dinləyə bilmirəm özümü ağrımadan içim…

Toxunsalar ağlayacam bir ömür boyu…
Və dəysələr hüznümə töküləcəm parça parça…

Mənasını içimə çəkə çəkə xoşbəxtliyə çata bilmirəm...
Ya həmişə mən çox gəldim ya da həmişə bir şeylər əskik qaldı…
İndi yaxşı olan nə varsa üzərinə xətt çəkə bilmədiyim incikliklər qucaqlayır dörd yanımı...

Və mən
Yaxşı olmanın eşiyində qorxulara qapılıram anlamadığım bir şəkildə…
Səbəbim yox.Bəlkə də çox…

Bilirəm;
Mən belə özümü anlaya bilmirkən kiminsə məni başa düşməsini gözləmək xəyaldır....

Qaynana aforizmleri

İlahi,məni qaynanamdan qoru,arvadımla özüm bacararam,əslində heç onunla da bacarmıram.

Bu dünyada hər şey nisbidir,sənin anan da başqa birisinin qaynanası ola bilər.

Evləndikdən sonra,sənin mənzilin teatr səhnəsinə çevriləcəkdir: qaynanan həm rejissor,həm müəllif,həm də suflyor qismində fəaliyyət göstərəcəkdir.Biletin qiymətini isə sən ödəyəcəksən.

Ən yaxşı qayınana bəyin toy günündə ölən qaynanadır.

Lap öz qaynananla evlənsən də onun da anası tapılacaqdır.

Qaynanalarla pişiklər arasında bir fərq var: pişiklərin cəmi 7 ruhu vardır.

Qaynana da dövlət qulluqçusu kimidir: hər cür problemin həllini tez tapır.

Qadının iki tərəfi də kəsən iti bir silahi vardır: kəbinkəsən və qaynana!

Əgər arvad evin açarıdırsa,qaynana onun qıfılıdır.

Balığın və qaynananın qoxusu üç gündən sonra ətrafa yayılır.

Qaynana ilə cəllad arasında nə isə bir oxşarlıq var.Milyonlarla adam bir cəlladi görmür,halbuki hər evdə qaynana olur.

Cəhənnəmdə qaynanamı yanımda görmək mənə necə də ləzzət verərdi.

Üç canlı məxluqat vardır: insanlar,heyvanlar və qaynanalar.

Deyirsən ki,on ildir evlisən,amma qaynanandan bir söz də eşitməmisən.Bəxtəvər!

İt qapır,at təpikləyir.qaynana ilan kimisancir.

Mətbuatın vəzifəsi problem yaratmaqdır. Elə sənin qaynanan da bununla məşguldur.

Evlilik həyatının da salat kimi dörd şeyə - israfçılıqla,tökülmüş bitki yağına, xəsisliklə damcılandırılmış sirkəyə, qənaətçiliklə səpilmiş duza və bunların hamısını qarışdıran qaynanaya ehtiyacı vardır.

Arvad özü bir şəxsiyyətdir,qaynananın isə heç bir şəxsiyyəti olmur.

Mənimlə arvadım arasında çox sadə bir münaqişə davam edir: o öz anasını mənim anam etmək istəyir.

Sənin sevgilin boşqabda bir almadır,arvadın badədəki şərabdır,qaynanan isə kəskin baş ağrısıdır.

Bəxtiyar Vahabzadə "Şəhidlər"

Qatil gülləsinə qurban gedərkən,
Gözünü sabaha dikdi şəhidlər.
Üçrəngli bayrağı öz qanlarıyla
Vətən torpağına çəkdi şəhidlər.

***
Zalım öyünməsin zülmləriylə,
Min bir böhtanıyla, min bir şəriylə.
Həqiqət uğrunda ölümləriylə
Ölümü kamına çəkdi şəhidlər.


***
O şənbə gecəsi, o qətl günü,-
Mümkünə döndərdik çox namümkünü.
Xalqın qəlbindəki qorxu mülkünü,
O gecə dağıdıb sökdü şəhidlər.
***
Tarixi yaşadıb diləyimizdə,
Bir yumruğa döndük o gecə biz də.
Yıxıb köləliyi ürəyimizdə
Cəsarət mülkünü tikdi şəhidlər.
***
Onlar susdurulan haqqı dindirər,
Qaraca torpağı qiymətləndirər.
Donan vicdanları qeyrətləndirər,
Axı, el qeyrəti çəkdi şəhidlər.

***
Bilirik, bu bəla nə ilkdi, nə son,
Ölürkən uğrunda bu ana yurdun.
Quzu cildindəki o qoca qurdun,
Doğru, düz cildini çəkdi şəhidlər.

***
Dözdü hər zillətə, dözdü hər şeyə,
“Dünyada mənim də haqqım var”,- deyə
Kütləni xalq edən müqaviləyə
Qanıyla qolunu çəkdi şəhidlər.

***
İnsan insan olur öz hünəriylə,
Millət, millət olur xeyri, şəriylə.
Torpağın bağranı cəsədləriylə,
Azadlıq tumunu əkdi şəhidlər.

P.S. Allah bütün şəhidlərimizə rəhmət eləsin :(

Bəzi qızlar niyə evdə qalır?

Təsəvvür edin ki, Bakıda möhtəşəm 5 mərtəbəli imarət tikilir və qızların özlərinə
ər seçməyi üçün hər cür şərait yaradılır. Təsəvvür elədiniz?
Qızlar yaxşı təsəvvür eləyir, oğlanlarımızı bilmirəm.
Həəə... Deməli, bu imarətdə yeganə bir qanun var:
"Əgər bir mərtəbədən növbəti mərtəbəyə keçdinsə, mütləq alış-veriş eləməlisən.
Alış-veriş deyəndə ki, pulunu verib ər alırsan da.
Əgər seçim etməyib, növbəti mərtəbəyə qalxdınsa, daha aşağıdan seçim şansın qalmayacaq.

" Bir gün bir neçə rəfiqə (p.s. Rəfiqə sözü bizim Azərbaycan dilində "podrujka" deməkdir ) gəlirlər bu imarətə... 

1-ci mərtəbədə qapıda yazılıb: "Burdakı kişilərin iş yeri var və uşaqları sevirlər".
Qızlar yazını oxuyur və öz aralarında "Olmayan yerdə gedər, bir gedək baxaq 2-ci mərtəbədə nə var?" danışıb yola davam edirlər.
2-ci mərtəbə və qapıdakı yazı: "Burdakı kişilərin yaxşı işi var, uşaqları sevirlər və çox yaraşıqlıdırlar".
Qızlar "Pis deyiiil, görəsən yuxarıda nə var?" deyib növbəti mərtəbəyə çıxırlar.
3-cü mərtəbə: "Burdakı kişilərin çox yaxşı işi var, uşaqları sevirlər, son dərəcədə yaraşıqlıdırlar və ev işlərinə kömək edirlər".
Qızlar "Aman Allah, yəni bu dövrdə ev işlərinə kömək edən kişi var? Amma yuxarıda hələ iki mərtəbə var. Gedək görək..." deyirlər.

4-cü mərtəbə və qapı önü: "Burdakı kişilər şirkət sahibidirlər, uşaqları çox sevirlər, çox yaraşıqlıdırlar, ev işlərinə kömək etməkdən həzz alırlar və üstəgəl çox romantikdirlər."
Qızlar sevincdən qışqırışırlar, ta özlərini az qala şəhid eliyirlər və "Təsəvvür eliyirsiz üstdəki mərtəbədə nə var?
Super muper kişilər.
Getdik eee..." deyib çıxırlar yuxarı.
5-ci mərtəbə və qapıdakı yazı: "Bu mərtəbə boşdur və sadəcə, qadınları məmnun etməyin mümkün olmadığını bir daha isbat etmək üçün qoyulmuşdur.
Çıxış soldadır, ümid edirik pilləkənlərdən düşəndə yombalanmarsız...

Hörmətlə, KİŞİLƏR

P.S. Maraqlı məlumatdı :P

Ziya Səfərbəyov "Onu Sevməyə Məhkumam"

   

Bu kitab, bəlkə də, yeganə kitabdı ki, dayanmadan bir neçə saata oxuyub qurtarmışam. Hər kəs sevgi yaşayıb. Kimisi xoşbəxt olub, kimisi yox. Bu kitabı oxuduqca istər istəməz bir sətirdə də olsa özünüzü tapacaqsınız. Kitabda bir çox xırdalıqlara da toxunulmuşdur. Kitab haqqında topladıqlarımı sizinlə paylaşıram...

Haqqında:

"Onu sevməyə məhkumam" kitabı sizlərə yalnızca sevgi haqqında bəhs etməyəcək, bu kitab Azərbaycanda sevdiyi üçün problem yaşayan gənclərin yaşadıqları taleyin aynasıdır.

Gizlilik, cəmiyyətin fikirlərindən çəkinmə və hər şeyə, nəinki gərəkli, hətta onlara gərəksiz olan məsələlərə qarışan valideynlərin şərtləri. Bitirilməmiş sevgi münasibətləri və səhvlərə itələyən ehtiras, ehtiras isə dağıdıcı qüvvədir. Bir zamanlar saf olan qız, ərdə olduğu halda yataqda sevgilisi ilə skarfinqa qədər yenilikləri sınayır... Qorxaqlıq, yalan, çirkinlik, ehtiras, sevgi. MƏHKUMLUQ.

Kitabdan seçmələr:

• Ən böyük dayaq sevdiyinin səni heç bir zaman tərk etməyəcəyini bilərək ona etibar etməkdir. 
• Qadına cənnəti bəxş etmədən ondan mələk olmağını tələb edirik... O isə cənnəti istəmədən səni sevməyə qadirdir. Qadınların sevgisi həqiqətən də dəlisovdur.
• Sevən insan hər zaman sevdiyi insana bəraət qazandırmaq üçün çalışır.
• Əgər qadın bir kişiyə könlünü açırsa, bu yalnız sevginin doğurduğu inam və etibardan irəli gəlir...
• Səni sevirəm, amma sevmək heç də hər zaman qovuşmaq deyil...
• Xırdalıqlar bəzən məhəbbətin ən böyük göstəricisidir.

                                           

• Avropada cinsi əlaqəsi olmayan qadınları psixoloji cəhətdən anormal, Azərbaycanda isə cinsi əlaqəsi olmuş qadınları əxlaqsız hesab edirlər. Avropada sevgini könül sıçrayışı hesab edərək dəstəkləyir, Azərbaycanda isə künclərdə oğrunca öpüşmək üçün bəhanə bilirlər. Avropada qadınlar ailə həyatı qurduğu kişini sevir, bizim qadınlar isə onun ailələrinə uyğun, yetəri qədər zəngin və ya təhsilli olduğunu araşdırırlar. Avropada kişilər qadını sevərək onunla bir yatağa girir, Azərbaycanda kişilər "fırladıram” başlığı altında qadınlarla sevişirlər.

• Qadın ərdə olduğu halda onu xəyanətə nə sövq edə bilər? Sevgi olmadan bağlanmış nigah. Bu, ən böyük səbəbdir, çünki sevdiyin kişidən ala biləcəyin emosiyaları, heç bir zaman sevmədiyin, yad kişidən ala bilməzsən. Situasiya həmin qadını onu sevdiyi kişidən ayırdıqları zaman daha da gərginləşərək kəskin hal alır.
• Sevgi müqəddəsdir. Heç kəsin bu saf və məsum hisslərə qarışmağa ixtiyarı yoxdur, amma əgər sevgi mövcuddursa, şər də mövcuddur, həqiqətə qarşı çıxacaq yalan hər zaman vardır. Heç kəs sevgini təhqir etməyib, insanlar sadəcə bu sözü həddindən artıq çirkinləşdiriblər. Sevgi- yalnız o zaman öz adını daşımağa layiq ola bilər ki, iki insan onun uğrunda sona qədər mübarizə aparsın. Son nəfəsinə qədər ondan imtina etməsin. Taledir, alınmadı, bacara bilmədik anlayışları isə yoxdur. Əgər siz bu sözləri dilinizə gətirirsinizsə, deməli heç bir zaman sevməmişsiniz. Ona görə də sizin məğlubiyyətiniz yalnız öz günahınızdır, taleyi suçlamağa isə heç bir gərək yoxdur.

P.S. Mənim çox xoşum gəldi bu kitabdan. Ümid edirəm ki, siz də bəyənəssiniz... Oxumağa dəyər :)

1 Aprelin tarixi və hekayəsi

1 Aprel bir çox ölkədə, eləcə də Azərbaycanda həm “Aldatma günü”, həm də “Gülüş günü” kimi qeyd olunur.

 Ən əsas gözəlliyi isə ondadır ki, dünyanın ən ciddi insanı belə aprelin 1-i  ona edilən zarafatı xoş qarşılayır. 1 Aprelin tarixçəsi ilə əlaqəli 2 real hekayə var. Bunların hər ikisi ilə sizi tanış edirik.

 I hekayə. Bu hekayə dünyada daha çox tanınır. Belə ki, aprelin 1-də zarafat ənənəsi 500 il bundan əvvəl Fransada başlanıb. Fransa Kralı IX Çarlz 1564-cü ildə yeni ilin aprelin 1-dən qeyd ediləcəyini elan edir. Bu tarixdə insanlar bir-birlərinə sürpriz hədiyyələr verir, doğru olmayan xəbərlər söyləyirdilər. Və o gündən köhnə adətləri yox etmək məqsədilə 1 apreldə bayram keçirənləri “1 aprel səfehləri” adlandırmağa və ələ salmağa başlayırlar. Fransadan sonra bu ənənə tezliklə digər ölkələrə keçir. Üstündən uzun müddət keçməsinə baxmayaraq Beynəlxalq Gülüş Günü hələ də öz aktuallığını davam etdirir.

 II hekayə.  XV əsrin sonlarında Xaçlı ordusu müsəlmanların son qalasını əhatə edir. Uzun müddət əhatədə qalmasına baxmayaraq, qalanı tam ələ keçirmək mümkün olmurdu. Vəziyyətin çətinliyini anlayan Xaçlı ordusunun komandiri dəyişik taktikalar düşünürdü. Sonda belə bir nəticəyə gəldi, 31 Mart gecəsi qalanın önünə gedərək bir əlində Quran, bir əlində İncil tutaraq  'Bu iki kitab üzərinə and içərəm ki, təslim olsanız bu axşam sizə bir şey etməyəcəyəm'  dedi. Bu fikrə əsasən, müsəlmanlar sağ qalmaq məqsədiylə qalanı təslim etdilər. Sabahısı, yəni 1 Aprel günü Xaçlı ordusunun komandiri  müsəlmanların öldürülməsi əmrini verir. Bunun qarşılığında müsəlmanlar  "And içmişdiniz, bizə söz vermişdiniz" dedikdə, Xaçlı ordusu komandiri belə bir cavab verir: 'Mənim sözüm sizə dünən axşam üçün idi, bu gün üçün sizə bir sözüm yoxdur' deyə cavab verir və bütün müsəlmanları öldürtdürür. Elə o gündən 1 aprelə  "Hiylə Günü"  adı verilir.

P.S. Çalışın bu həyatda nə aldanmıyın, nə də aldatmıyın...

Aforizmlər

MÜHARİBƏ-QƏLƏBƏ-MƏĞLUBİYYƏT HAQQINDA

1. Məğlubiyyətin oyatmadığı insan heç vaxt qalib gələ bilməz!
2. Qalib xatirələrlə, məğlub intiqam hissi ilə yaşayır!
3. Məğlub etdiyin rəqibi düşmənə çevirmək qələbəni əldən verməkdir!
4. Qələbə yalnız güclülərə yox, həm də səbrli və bacarıqlı olanlara qismət olur!
5. Öz-özünə qalib gəlməyi bacaran başqasına məğlub olmaz!
6. Döyüşə gedəndə məğlubiyyət haqqında düşünmə, məğlub olandan sonra isə yadından çıxarma!
7. Məğlubiyyəti döyüşə-döyüşə qəbul etmək - yarımçıq qələbədir!
8. Müharibələri yaşlı nəsil başlayır, gənc nəsil qurban olur!
9. Sülh vaxtı adam öldürmək cinayət, müharibə vaxtı qəhrəmanlıq sayılır!
10. Heyvanlar müharibə etməyi bacrasaydılar ilk müharibələri insanlara qarşı olardı!
11. Güc nisbətdən bilinir. Qarışqa çox kiçik olsa da, bədən nisbətinə görə fildən güclüdür!
12. Güc həqiqətə qalib gələ bilər, amma onu diz çökdürə bilməz!
13. Ağılsız igid həmişə hiyləgər qorxaqa məğlub olur!
14. Müharibələr zorla başlayır ağılla qutarır!
15. Müharibəni axmaqlar başlayır, igidlər davam edir, ağıllılar qurtarır!
16. Qəhrəmanlıq yegənə insani hərəkətdir ki, onu məşq etmək mümkün deyil!
17. Düşməni yaxından tanımaq insanı qələbəyə yaxınlaşdırır!


ELM-BİLİK-DÜŞÜNCƏ-HİKMƏT-HƏQİQƏTHAQQINDA

18. Bizim bildiklərimiz haqqında bilmədiklərimiz, bilmədiklərimiz haqqında bildiklərimizdən qat-qat çoxdur!
19. Bilik asan danışılan, yaxşı gizlədilən, paylaşdıqca çoxalan sərvətdir!
20. Elmə ağalıq etməsən, təbiətə köləlik etməli olacaqsan!
21. Axtardığını tapmaq, itirdiyini tapmaqdan daha çox sevinc gətitir!
22. Düşməni dost etmək istəyirsənsə onun elminin artmasnın qayğısına qal!
23. Heyvanlar arasında vuruşmaq aclıqdan, insanla arasında vuruşmaq cəhalətdən yaranır!
24. İnsan elmdən nə qədər ac olsa, qarnı bir o qədər tox olar!
25. İnsanı ağlı, heyvanı bədəni idarə edir!
26. Atanın öz övladına buraxa bilməyəcəyi yeganə şey ağıldır!
27. Elm elə sərvətdir ki, o heç vaxt sahibinə məxsus olmur!
28. Düşüncədə hərəkətli, hərəkətdə təmkinli ol!
29. Düşünə-düşünə hərəkət et, hərəkət edə-edə düşün!
30. Dəlilər də düşünür, sadəcə ağıllılardan fərqli olaraq rabitəsiz və qırıq-qırıq!
31. Həyat böyük bir sualdır, yaşamaq onun cavabı!
32. Sən dostundan ağıllı olunca, dostun səndən ağıllı olsa daha etibarlıdır!
33. Elm öyrənmək, bilik qazanmaq qədər ağıllı insana nəşə verən ikinci bir məşğuliyyət yoxdur!
34. Düşünmək – dənizin dibindən inci axtarmaqdır. Müdrik fikirlər isə bu incilərin özüdür!
35. Alimlərin hakimiyyətə yox, hakimiyyətin alimlərə ehtiyacı var!
36. İnsanın həyatda rast gəldiyi ilk alim yerimək və danışmaq öyərndiyi öz anasıdır!
37. Nadan alimlə dost olmaqdan, alim isə nadan dostunu ağıllandırmaqdan həzz alır!
38. Öz axmaqlığını artıq başa düşən insan artıq axmaq deyil!
39. Ağıllı kişinin nadan qadınla evlənməsi gözəl qadının çirkin kişiyə ərə getməsi kimidir!
39. Alimlər danışmağa vaxt, nadanlar danmışmağa söz tapmırlar!
40. Bütün insanlar şəraitə uyğunlaşır, yalnız dahilər şəraiti özlərinə uyğunlaşdırmağa cəhd edirlər!

ƏMƏK-SƏRVƏT-VARLILIQ-YOXSULLUQHAQQINDA

41. Ən böyük yoxsulluq vicdan yoxsulluğudur!
42. Çox varlı ilə, çox kasıb gecələr narahat yatar. Biri qorxusundan, biri acından!
43. Yoxsulluq ən ciddi sınaqdır: bu sınaqdan yalnız böyük insanlar üzü ağ çıxır!
44. Aclığından söz açmayan kasıb, sərvətindən danışan varlıdan daha varlıdır!
45. Pul əslində heçnədir, yalnız insanların ona verdiyi dəyərə görə o nəsə olur!
68. Kasıb öləndə özünə, varlı öləndə puluna görə ağlayır!
46. Pul kisəsi heç vaxt puldan qiymətli ola biməz. Eləcə də pullu adam pulundan çox hörmətə layiq deyil!
47. Zəhmətdən çıxan puldan tər iyi, döyüşdən çıxan puldan qan iyi, xəsisdən çıxan puldan can iyi gəlir!
48. Əvvələr pul özü qızıl idi, sonralar qızılı almaq üçün vasitəyə çevrildi!
49. Pul axmaqlar üçün hər şey, ağıllılar üçün nəsə, dahilər üçün heç nədir!
50. Həyat üçün mükafatımız ölümdür!

Ağlamadım

      
Ağlamadım.

Hər dəfə doluxsundum ağlamaq istədim. Hər dəfə bağışladım sevilmək istədim. Ürəyimin 

döyüntüsünü dinlədim məni sevdiyini eşitmək üçün. Qoxunu iylədim güllərin ətrini almaq 

üçün. Telini oxşadım səni uyutmaq üçün.

Hər dəfə də doluxsundum ağlamaq istədim.


Ağlamadım. 

Bəlkə səni itirməkdən qorxdum. Səni itirməmək üçün ağlamadım. Axı göz yaşımın hər damlasında 

sən vardın. Gözlərim məndən xəbərsiz ağladı göz yaşlarım içimə axdı və alov kimi yandırıb-yaxdı. 

Ürəyim yandı qışqırmaq istədim. Susdum.Dodağım-dodağımdan qopmamaq ucun. 

Hər dəfədə doluxsundum ağlamaq istədim.


Ağlamadım. 

Güldüm. Təbəssümümü sənə bağlamaq üçün. Röyalarımda səni görmək istədim. Hər gecə 

yuxuma gəlməyin üçün. Sevgi bağımızda çiçək olmaq istədim sənin əllərinlə dərilmək üçün. Ocaq 

olmaq istədim səni nəfəsimlə isitmək ucun. Ağzında dilin olmaq istədim sözünün şirinliyini dadmaq 

üçün. Dodağın olmaq istədim öpüşlərin olmaq üçün. Sənin olmaq istədim dəli kimi sevdiyim 

üçün.Xəyal olmağını istədim heç kəsin səni görməməyi üçün. Kar olmanı istədim fəryadımı 

eşitməmək ucun. Lal olmanı istədim başqasını sevdiyini deməməyin üçün.

Hər dəfə də doluxsundum ağlamaq istədim. 

Ağlamadım. 


Artıq heçnə istəmirəm olmayacağını bildiyim üçün. Hönkürüb ağlamaq istədim ürəyimi boşaltmaq 

üçün. 


Ağlamadım. 


Həmişəlik urəyimdə olduğunu bildiyim üçün !!!

P.S. Ağlamadım :(

Maraqlı faktlar

 

1) Xristofor Kolum blondin olub
2) Pinqvin 3 metr hündürlüyə tullana bilir
3) Canlılar içərisində ən böyük beynə qarışqa malikdir(bədənı nisbətən)
4) 100 stəkan qəhvə içmək insanı öldürə bilər
5) Çaya vərdiş etmək daha asandır, nəin ki, geroinə
6) Yazıçı Xristian Anderson bir sözü belə düzgün yaza bilmirdi
8) Dünyada ən balaca çay Miçiqan ştatında yerləşən Saqinay çayıdır
9) Cənubi Koreyada eyni soyadına malik insanların evlənməsi qadağandır
10) İnsanın qabırğaları bir ilə 5 milyon hərəkət edir
11) Dəvədəlləyi həşəratı başını arxada döndərə bilən yeganə həşəratdır
12)Dünyada ən çox koka-kolanı islandiya əhalisi içir
14) Qayçını Do Vinçi ixtira edib
16) Əgər Çin əhalisi 2 metr hündürlükdən yerə tullansaydı, yer üzündə 2 bal gücündə zəlzələ baş verərdi
17) Arının 2 qarnı var, biri bal üçün biri də yemək üçün
18)Venera planetı yeganə planetdir ki, saat əqrəbinin əksi istiqamətində dövr edir
21)2 milyondan bir insan 110 yaşa çata bilər
24) İlbizlər 3 il yata bilirlər
25) Alışqan Kibritdən öncə ixtira olunub
26) Delfinlər bir gözü açıq yatır
29) Əgər bir stəkan suya 80 dəqiqə qışqırsaq onda su qaynayar 
30) Antraktidadan vertolyot uçuşları qadağandır, buna səbəb pinqvinlərin boyunlarının qısa olmasıdır, onlar yuxarı baxmaq istəyir bu vaxti isə domino kimi yerə yıxılırlar hamısı =)
31) Ağ evdə çangəl və qaşıqların sayı 13092 ədəddir
32) Dəniz ulduzunun beyni yoxdur
33) Dünyada ən populyar ad –Annadır, bu adı 100 milyona yaxın insan daşıyır
34) Qədim Misir və Çində ən ağır ölümlərdən biri yuxusuzluq idi
35) Bibliyanı öyrənən alimlər belə qərara gəliblər ki, cəhənnəmda temperatur 718 dərəcədir

P.S. Ümid edirəm maraqlı oldu :)

QARA PALTARLI QADIN (Ramiz Rövşən)

Kişilər bir olmur atam balası 

Qorxağı var,igidi var, 

Amma hər kişinin öləndən sonra 

Qəbri üstə ağlamağa 

Bir qara paltarlı gözəl bir qadına ümidi var.

Sən ölənde kim olacaq gözlərini bağlayan ? 

Qardaşmı olacaq,yadmı olacaq ? 

Bu dünyada bəlkə sənə ən çox ağlayan, 

En çox ağlatdığın qadın olacaq ?!

Gğz yaşları yuduqca baş daşını, 

Qəbrində qurcalanıb,dəyəcəksən: İlahi

Illər boyu ağlatdığım bu qadın 

Görən necə saxlayıbdı bu qədər göz yaşını ?!

Bircə kərə nə saını oxşamışam, 

Nə gözünü silmişəm. 

Gözlərimə batır indi saçlarının hər dəni, 

İllər boyu bu qadına mən axi dərd vermişəm, 

İndi görən, niyə çəkir dərdimi ?

Bu qadın baş daşımı öpüb,sığallamaqdansa 

Yumruğuyla döysə-döysə yaxşıdır. 

Qəbrimin üstündə ağlamaqdansa 

Məni söysə, yaxşıdır.

Yeri-yeri, qara paltarlı qadın, 

Kiri-kiri, qara paltarlı qadın. 

Bu qəbir də min qəbirdən biridi 

Baş daşımı bəsdi basdın bağrına, 

Bütün mənə ağlayanlar kiridi, 

Sən də kiri, qəbrim damır, ağlama...

                          P.S. Ən çox xoşladığım şeirlərdən biri :)

Dan Braunun Xristianlığı sarsıdan Da Vinçi Şifrəsi

Yəqin ki, Da Vinçi şifrəsi əsərini oxumayan olmamış olmaz.... Oxumamısınızsa hələdə gec deyil :) Əsər elə ilk səhifələri oxuyandan diqqətimi çəkdi və əlimdən yerə qoya bilmədiyim bir əsər oldu. Hətta kinosuna da baxdım, ancaq əsər qədər xoş təəssürat bağışlamadı. Oyunçular yaxşı idi, amma əsərdə daha geniş məlumatlar var, nəyinki kinosunda. Oxumayanlar üçün əsərin qısaca şərhinə keçmədən əvvəl deyim ki əsər satışa çıxdığı ilk həftədən böyük uğur qazanır. ... New York Timesın ən çox satılanlar siyahısında 1ci yerdə oldu. İndi isə əsərin şərhi :)

Əsərdəki hadisələr Luvr muzeyində qoca mühafizəçinin qətlini baş qəhrəman Robert Lenqdona xəbər verən gecə zəngi ilə başlayır. Əvvəlcə Lenqdonu bütün işlərdə günahkar sayırlar çünki qoca mühafizəçi Jak Sonyer həmin vaxtı onunla görüşməli idi. Sonyerin nəvəsi Sofi Lenqdonu polisin əlindən qurtarır. Onlar Jak Sonyer haqqında maraqlı məlumatlar tapirlar. Sən demə Sonyer Sion Prioratı adlı gizli bir cəmiyyəti üzvü imiş və Tampilyerlərin Sion Prioratına təhvil verdiyi xristian gizli sənədlərini İsa peyğəmbərin müqəddəs camını- San Qrili qoruyurmuş. Onların San Qrili axtarması başqalarının maraqları ilə də toqquşurdu, hətta Opus Dei təşkilatı da bu işə qarışmışdı. Bütün əsər boyu baş qəhrəmanlar maraqlı məlumatlarla qarşılaşırlar. Onlar gizli simvolları açaraq həqiqətləri axtarırlar. İpucular onu tarixin dərinliklərində gizli bir çox sirrə aparır, ən əsası isə bu sirlər Da Vinçinin tablolarında gizlidir.

İzlərin arxasında gedən professor özünü bir anlıq Xristian dünyasının ən böyük sirri ilə qarşılaşır və gizli bir cəmiyyət olan Sion Monastrı cəmiyyəti ilə Vatikan arasında qalır. Biri həmin bu sirri qorumağa çalışarkən, digəri isə onu yox etmək üçün birini göndərmişdir.

Dan Braunun ən çox müzakirə olunan romanı olan Da Vinçi şifrəsi Xristianlığın təməllərini sarsıdan hekayəsinə görə Xristianlar tərəfindən çox böyük təsirə məruz qaldı. Hətta Dan Braun Vatikanın qara siyahısına belə girdi.

Dan Brown Da Vinçi Şifrəsi ile bir tərəfdən oxucuları tarixi sirrin içində bir macəraya  salarkən, digər tərəfdən də sarsıdıcı sonu ilə dərindən təsir edir. Kitabı oxuyandan sonar Xristian dünyasının niyə bu qədər ayağa durduğunu daha yaxşı başa  düşəssiz.

P.S. Oxunması məsləhət olan kitablardandı. Hələlik bu qədər :)